Guardiola: Manchester City ”100 për qind” dëshiron që Sterling të qëndrojë për një kohë të gjatë

Pep Guardiola thotë se nuk ka “asnjë dyshim”se të gjithë në Manchester City dëshirojn që Raheem Sterling të nënshkruajë një kontratë të re.

Por shefi i City-it paralajmëroi se “marrëveshjet janë marrëveshje” dhe nuk është e sigurt nëse një kontratë e re do të dakordohet. Sterling nënshkroi për City-in nga Liverpooli në 2015 dhe Sterling ka bërë përshtypje nën Guardiolën, duke shënuar 18 gola në Premier Ligë sezonin e kaluar.

Megjithatë, 23-vjeçarit i kan mbetur vetëm dy vjet në kontratën e tij dhe ende nuk është pajtuar për një të re. Përpara ndeshjes të së dielës kundër Chelsea-it, Guardiola tha: “Nuk ka dyshim që ne duam atë. “Ai e di, agjenti i tij e di. Ne duam atë. Txiki Begiristain drejtori i futbollit të City-it ka folur me të.

“Është e qartë që nga dita e parë që kam ardhur ne duam atë, por marrëveshjet janë marrëveshje, dhe agjentët janë agjentë, dhe lojtarët janë lojtarë.

Pra, në fund, nuk e di se çfarë do të ndodhë, por unë ju siguroj 100 për qind se klubi, unë si një menaxher, drejtori sportiv, madje edhe shokët e tij të ekipit, duam që ai të qëndrojë më gjatë këtu.

Leave a Reply

Your email address will not be published. Required fields are marked *